तुमसर: आगामी तुमसर नगर परिषद निवडणुकीच्या तोंडावर तुमसरच्या राजकीय आणि सामाजिक वर्तुळात प्रचंड धुमाकूळ माजला आहे. सामान्यपणे तटस्थ भूमिकेत असलेल्या शहर पत्रकार वेलफेअर संघटनेच्या दोन ‘मोठ्या’ नेत्यांनी थेट राजकीय आखाड्यात उडी घेतल्यामुळे येथील राजकारण शिगेला पोहोचले आहे. विशेष म्हणजे, या दोघांनी दोन ‘शत्रू’ छावण्यांमध्ये प्रवेश करत तुमसरच्या राजकारणाचे वातावरण ‘बॉम्ब’ टाकून ढवळून काढले आहे!
कारेमोरे यांचा ‘टायगर’ जंप: ‘धनुष्यबाण’ला आक्रमक चेहरा!
तुमसर पत्रकार वेलफेअर संघटनेचे सचिव, शहरातील जनतेचा ‘रणशिंग‘ फुकणारे आणि सामाजिक प्रश्नांवर बेधडक आवाज उठवणारे अनिल कारेमोरे यांनी उप मुख्यमंत्री एकनाथ शिंदे यांच्या नेतृत्वाखालील शिवसेना गटात (धनुष्यबाण) प्रवेश करून राजकीय ‘सस्पेन्स’ संपवला आहे. २०१७ मध्ये नगराध्यक्ष पदासाठी त्यांनी धनुष्यबाण या चिन्हावर निवडणूक लढवून आपला ‘दम’ दाखवला होता. आता अधिकृत राजकीय मैदानात उतरल्याने, त्यांच्या मजबूत जनसंपर्कामुळे शिंदे गटाला तुमसरमध्ये एक नवा आणि आक्रमक ‘मास लीडर’ मिळाला आहे. कारेमोरे यांच्या समर्थकांनी तर त्यांना आतापासूनच तुमसर नगर परिषदेचे ‘भावी संभावित नगराध्यक्ष’ म्हणून घोषित करून प्रचार सुरू केला आहे. यामुळे विरोधकांना आता सावधगिरी बाळगावी लागणार आहे!
प्राचार्य डोंगरे सरांचे ‘मिशन राष्ट्रवादी’: घड्याळात ‘बौद्धिक शक्ती’ची भर!
दुसरीकडे, संघटनेचे अध्यक्ष आणि शहरातील सुप्रसिद्ध शिक्षणतज्ज्ञ, प्राचार्य राहुल डोंगरे सर (शारदा विद्यालय व कन्या कनिष्ठ महाविद्यालय) हे लवकरच महाराष्ट्राचे उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेस पक्षात (घड्याळ) प्रवेश करणार असल्याची ‘सुपर एक्सक्लुझिव्ह’ माहिती सूत्रांनी दिली आहे. बुद्ध, शिवराय, फुले, शाहू, आंबेडकर यांच्या पुरोगामी विचारांनी प्रेरित असलेले आणि शैक्षणिक-सामाजिक क्षेत्रात आपला एक ‘मापदंड’ तयार करणारे डोंगरे आता राजकारणाच्या माध्यमातून ‘परिवर्तनाच्या वाटेवर एक ठाम पाऊल’ टाकत आहेत. यापूर्वी भाजपचे माजी जिल्हा सचिव म्हणून काम पाहिल्यामुळे, संघटनकौशल्य आणि जनसंपर्क यांचा अनुभव गाठीशी असलेले हे ‘तेजस्वी’ व्यक्तिमत्त्व आमदार राजूभाऊ करेमोरे यांच्या नेतृत्वाखाली राष्ट्रवादीला केवळ ‘संख्याबळ’ नव्हे, तर ‘बौद्धिक धार’ देणार आहे.
राजकीय समीकरणे बदलली! थेट संघर्ष अटळ!
पत्रकार संघटनेचे प्रमुख सदस्य वेगवेगळ्या राजकीय छावणीत गेल्यामुळे, येणाऱ्या तुमसर नगर परिषद निवडणुकीत भाजप, शिवसेना (शिंदे गट) आणि राष्ट्रवादी काँग्रेस (अजित पवार गट) यांच्यात ‘आरपार’ची लढत अपेक्षित आहे. एकीकडे अनिल कारेमोरे यांच्या रूपाने शिंदे गटाला निवडणुकीत ‘आक्रमकता’ मिळाली आहे, तर दुसरीकडे अनुभवी आणि उच्चशिक्षित डोंगरे यांच्या राष्ट्रवादीतील प्रवेशामुळे अजित पवार गटाची बाजू तुमसरमध्ये अधिक ‘बौद्धिक आणि सामाजिक’ दृष्ट्या बळकट होण्याची शक्यता आहे.
विचारांचा झेंडा आता राष्ट्रवादीच्या हातात! परिवर्तनाची गाथा नव्या अध्यायात! या घोषणेने तुमसरच्या राजकारणाला केवळ दिशा नव्हे, तर एक ‘खतरनाक’ वळण मिळणार आहे, यात शंका नाही!
Total Users : 880667
Total views : 6485091