प्रधानमंत्री कौशल्य दौड स्पर्धा तसेच दिक्षांत समारंभ संपन्न

प्रतिनिधी/ तुषार कमल पशिने

भंडारा: शासकिय औद्योगिक प्रशिक्षण संस्था तसेच शासकिय औद्योगिक प्रशिक्षण संस्था, मुलींची यांच्या संयुक्त विद्यमाने काल प्रधानमंत्री कौशल्य दौड़ स्पर्धा, रेल्वे ग्राऊंड, खात रोड येथून खोकरला पर्यंत आयोजित करण्यात आली होती.

या स्पर्धेचे उद्घाटन निवासी जिल्हाधिकारी श्रीमती लीना फालके (ढेंगे) यांनी केले. यावेळी उपविभागिय अधिकारी श्री. गजेंद्र बालपांडे, अध्यक्ष भंडारा जिल्हा आस्थापना संघटना रामविलास सारडा, संचालक लक्ष्मी अॅग्रो लि. प्रकाश रहांगडाले व सौ.रहांगडाले आदी उपस्थित होते.

या स्पर्धेमध्ये किमान 500 प्रशिक्षणार्थ्यांनी भाग घेतला असून विजेत्या प्रशिक्षणार्थ्यांना पारितोषिके वितरीत करण्यात आले. स्पर्धेमध्ये शासकिय औद्योगिक प्रशिक्षण संस्था येथील पुरुष गटात प्रथम पारिताषिक नयन प्रकाश राघोर्ते याने तर व्दितीय क्रमांक निशांत संजय भोयर तसेच तृतिय क्रमांक प्रज्वल प्रमोद आगाशे याने पटकाविला. महिला गटात प्रथम क्रमांक वैष्णवी तीरमारे तर व्दितीय क्रमांक प्रतिक्षा जगनाडे तसेच तृतिय क्रमांक साक्षी ताले हिने पटकाविला. शासकिय औद्योगिक प्रशिक्षण संस्था मुलींची येथील आकांक्षा सेलोकर हीने प्रथम क्रमांक तर अंकीता चकोले हिने व्दितीय क्रमांक तसेच साक्षी दिप्ते हिने तृतिय क्रमांक पटकाविला.

स्पर्धेकरीता टि-शर्ट्स, पाणी बॉटल, एनर्जी ड्रिंक व बिस्कीटांचे वाटप सनफ्लॅग आर्यन अॅन्ड स्टिल कंपनी मार्फत करण्यात आले. एम.एम.पी.एल कंपनिकडून स्पर्धेकरीता 10 हजार रूपये रोख रक्कम प्रदान करण्यात आली. रामविलास सारडा यांनी स्पर्धेतिल मुलांकरीता फळे तर प्रकाशजी रहांगडाले यांच्यामार्फत फराळाचे वाटप करण्यात आले.

यावेळी शासकिय औद्योगिक प्रशिक्षण संस्था तसेच शासकिय औद्योगिक प्रशिक्षण संस्था, मुलींची येथील उत्तीर्ण झालेल्या प्रशिक्षणार्थ्यांकरीता दिक्षांत समारंभ संपन्न झाला. उत्तीर्ण झालेल्या प्रशिक्षणार्थ्यांना नॅशनल ट्रेड सर्टिफिकेट तसेच मेडल देवून सत्कार करण्यात आला.