इंडियन हैडलाइन न्यूज़ नेटवर्क/ तुमसर प्रतिनिधि
तुमसर : नवरगाव शेतशिवारातील नहराजवळ खुल्या जागेत IPL सामन्यावर सुरू असलेल्या ऑनलाईन बेटिंग अड्ड्यावर शुक्रवारी सायंकाळी पोलिसांनी कारवाई करत तिघांना गजाआड केलं. या कारवाईतून तब्बल २ लाख ६७ हजार १०० रुपयांचा मुद्देमाल जप्त करण्यात आला आहे. विशेष म्हणजे, घटनास्थळावरून एक तडीपार आरोपी फरार झाला असून त्याच्यावर स्वतंत्र गुन्हा दाखल करण्यात आला आहे.
पोलीस उपनिरीक्षक विजय पंचबुधे यांच्या तक्रारीवरून आरोपी प्रविण राजु फटींग (२५, दत्तात्रेय नगर), प्रशांत किशोर भुरे (३८, रामकृष्ण नगर), डिगु उर्फ डिंगाबर दिलीप समरीत (२५, तुमसर) यांना अटक करण्यात आली. तर फरार आरोपी योगेश उर्फ भाजी हिरालाल गायधने (२९, तुमसर) याच्यावर मागील वर्षी तडीपारीची कारवाई झाली असतानाही तो बेटिंग रॅकेटमध्ये सक्रिय असल्याचं उघड झालं.
जप्त मुद्देमालामध्ये एकूण आठ मोबाईल, दोन दुचाकी, पॉवर बँक, टॉर्च, आकडे लिहिलेला लेटरपॅड असा एकूण २,६७,१०० रुपयांचा माल पोलिसांनी जप्त केला आहे. IPL सामन्यावर ऑनलाईन सट्टा लावून जुगार खेळविण्याचे प्रकार सदर आरोपी करत होते, असे पोलिस तपासात निष्पन्न झाले आहे.
या प्रकरणी कलम १२ (अ) महाराष्ट्र जुगार प्रतिबंधक कायदा, भारतीय न्याय संहिता ४९, ३(५) आणि कलम १४२ महाराष्ट्र पोलीस अधिनियम अंतर्गत गुन्हा दाखल करण्यात आला असून पुढील तपास सुरू आहे. फरार आरोपीचा शोध घेण्यासाठी विशेष पथक कार्यरत असून, ग्रामीण भागातील सट्टा रॅकेटवर पोलिसांची ही कारवाई महत्त्वाची ठरली आहे
Total Users : 883241
Total views : 6488714
