इंडियन हेडलाईन न्यूज नेटवर्क/ गडचिरोली प्रतिनिधी
कुरखेडा:- मुळ गाव देऊळगाव व सध्या कुरखेडा येथे वास्तव्यास असणाऱ्या साहित्यिक, सामाजिक कार्यकर्त्या संगीता संतोष ठलाल या एक महिन्यापूर्वी कुरखेडा येतील एसटी डेपो मधून निघणाऱ्या कुरखेडा, शिरपूर एसटी बसणे देऊळगावला जायला निघाल्या होत्या. त्याच एसटी बसमध्ये कुरखेडा तालुक्यातील चारभट्टी या गावची खूप आजारी, परिस्थितीने गरीब आणि दिव्यांग असलेली रंजना,रतन बांबोळे नावाची महिला त्यांच्या दृष्टीत पडली. त्यांच्याकडे बघून संगीता ठलाल यांनी थोडक्यात त्या दोघेही पती, पत्नीशी संवाद साधला. आणि लगेच तीन दिवसातच चारभट्टी असलेल्या त्यांच्या घरी भेट दिली. त्यांच्या समस्या जाणून घेतल्या, रंजनाच्या पतीने आपल्या पत्नीची पूर्ण परिस्थिती सांगितली आणि माझ्या पत्नीला व्हील चेअर मिळवून द्याल ही अपेक्षा त्यांनी व्यक्त केली. अतिशय कठीण परिस्थितीत हे दोघेही दापत्य जगताना बघून सामाजिक कार्यकर्त्या संगीता ठलाल यांनी त्यांची परवानगी घेऊनच त्या दिव्यांग असलेल्या रंजनावर विविध वृतपत्रात लेख लिहिले होते आणि समाजापर्यंत पोहोचविण्याचा प्रयत्न केले. एक दिवस तोच प्रकाशित झालेला लेख काही दिवसातच जिल्हा दिव्यांग पुनर्वसन केंद्राचे समन्वयक अमर तेलंगे यांनी वाचले आणि सामाजिक कार्यकर्त्या संगीता ठलाल यांच्याशी त्या दिव्यांग असलेल्या महिलेची मदत करण्यासाठी फोनवर संपर्क साधला. आणि या तीन दिवसातच त्यांनी जिल्ह्या रूग्णालय गडचिरोली येथे भरती असलेल्या रंजना, रतन बांबोळे यांना व्हिल चेअर वितरीत केले. त्यावेळी जिल्हा दिव्यांग पुनर्वसन केंद्राचे समन्वयक अमर तेलंगे, प्रकाश गुरनुले, रतन बांबोळे, उपस्थित होते.या महान कार्यासाठी मार्गदर्शक म्हणून चेतन हिवंज समाज कल्याण अधिकारी जि.प.गडचिरोली, डॉ.सचिन मडावी सहाय्यक आयुक्त समाज कल्याण गडचिरोली, प्रकल्प संचालक अभिजित राऊत, डॉ. सतीशकुमार सोलंके ( Additional civil surgeon ) जिल्हा रुग्णालय गडचिरोली आणि या संपूर्ण टिमने मिळून माणुसकीच्या नात्याने पुढाकार घेऊन दिव्यांग असलेल्या रंजना बांबोळे यांना व्हिल चेअर देऊन मदत केली. त्यावेळी हे दोघेही दापत्य आनंदीत होऊन मिशन इन्स्टिट्यूट फार ट्रेनिंग रिसर्च अँड ऍक्शन द्वारा संचालित जिल्हा दिव्यांग पुनर्वसन केंद्र गडचिरोली यांचे तसेच सामाजिक कार्यकर्त्या संगीता ठलाल यांचेही आभार मानले.
Total Users : 883102
Total views : 6488540
