
भंडारा, तुमसर तालुक्यातील मौजा ढोरवाडा येथील श्रीमती सुगरता चांगो कुकडे यांनी श्रावणबाळ सेवा राज्य निवृत्ती वेतन मिळण्यासाठी शासन म्हणून तहसीलदार तुमसर यांना रीतसर अर्ज केला. त्या अर्जावर श्रीमती कुकडे यांना त्यांनी केलेला अर्ज , जावक क्रमांक कली/संगायो/कावि/1685/2023 चे दिनांक 17/10/2023 नुसार अर्ज क्रमांक 465/2023 श्रीमती सुगरता चांगो कुकडे रा.ढोरवाडा आपले प्रकरण उत्पन्न जास्त असल्याचे कारणावरून दिनांक 20/09/2023 च्या समितीमध्ये अपात्र करण्यात आल्याचे पत्र देऊन कळविण्यात आले.
असे असतांना, काल महाराष्ट्र राज्याचे मुख्यमंत्री आणि दोन्ही उपमुख्यमंत्री जिल्ह्याच्या शासकीय दौऱ्यावर असतांना अपात्र ठरविलेल्या श्रीमती कुकडे यांना पात्र ठरवीत , लाभार्थी वाढ करण्याचा प्रयत्न केला गेला असल्याचा दिसून आला.
यावरून प्रशासन हा गरीब, गरजू, शेतकरी, शेतमजूर, कामगार यांच्यासाठी प्रामाणिकपणे काम करीत नसून, फक्त शासनाची हाजी-हाजी करण्यापूरता सीमित झाला असल्याचे या प्रकरणावरून दिसते. त्या माऊली ला निव्वळ उत्पन्न जास्त असल्याचे कारण देऊन योजने पासून वंचित ठेवणारी शासकीय समितीचा हेतुपुरस्पर काम करीत असल्याचा हेतू स्पष्टपणे दिसून येत आहे. याकडे कार्यालय प्रमुखांनी वेळीच लक्ष दिले नाही तर यापेक्षाही मोठा धक्का पाहायला मिळेल यात तिळमात्र शंका नाही. असो या निमित्ताने त्या व्यक्तीला योजना मिळाली…त्याबद्दल धन्यवाद.. परंतु अश्या अनेक गरजू लाभार्थ्यांना वगळले आहेत त्यांचा काय असा सवाल माजी आमदार तथा भारत राष्ट्र समितीचे पूर्व विदर्भ समन्वयक चरण वाघमारे यांनी प्रशासनाला केला आहे.





Total Users : 895507
Total views : 6505935
